பாவலர்

எண்ணம் எல்லாம் தமிழெனவே
என்றும் வாழும் தங்கையிவள்!
கண்கள் இரண்டும் நூல்களையே
காலம் முழுதும் படித்தனவே!
பெண்ணாய்ச் செய்த சாதனையால்
பெருமை வாழ்வில் சேர்த்தாளே!
மண்ணில் பிறந்த தேவதையாய்
மரபைக் கற்றாள் வாழியவே!

கருத்தில் தமிழே பொங்கிவரக்
கவனம் கொண்டே கவிபடைத்தாள்!
விருத்தம் ஐந்நூ(று) அழகாக
விரைந்தே எழுதிப் புகழ்பெற்றாள்!
விரும்பி ஆசான் பட்டமதை
வெள்ளை மனமாய் அளித்தாரே!
விருதாய்ப் பட்டம் பெற்றிட்ட
வெற்றிச் சரளா வாழியவே!

________________