சிகரம் தொடுவோம்

பிறந்த பயனை அடைய
பேணிப் பாடு படுவோமே!
திறந்த மனமே கொண்டு
திறமை யாகக் கற்போமே!
உறங்கு நேரங் குறைத்தே
ஊக்கங் கொண்டே யுழைப்போமே!
சிறப்பாய்ச் சிகரந் தொடவே
சிந்தை முழுதும் நெறியேற்போம்!

தோல்வி கண்டே என்றும்
தோற்றோம் என்றே எண்ணாதே!
ஆல்போற் தழைப்போம் என்றே
அல்லும் பகலும் முயல்வோமே!
கால்கள் முன்னே வைக்க
காண்போம் வெற்றிப் படிகளையே!
இல்லா தோருக் கிரங்கி
ஏற்றம் காணச் செய்வோமே!

தினமும் செய்யுந் தொழிலாற்
திறமை கொள்வோம் நன்றாக!
மனத்தில் உறுதி கொண்டு
மகிழ்வாய் நம்பித் தொடர்வோமே!
கனமாம் மனத்தை மாற்றிக்
கனிவாய் நாளும் வாழ்வோமே!
தனமும் சேருந் தன்னாற்
தரணி போற்று மென்றென்றும்!

________________