திருமணம்

முன்பின் குடியை நன்காய்ந்து
மூத்தோர் பார்த்த திருமணமாம்!
அன்பின் ஊற்றாய் அவர்வாழ
ஆர்வம் கொண்டார் பெற்றோரே!
இன்ப முடனே நாள்குறித்தே
ஏற்ற பணிகள் செய்வாரே!
அண்டை அயலார் வந்திடுவர்
அங்கே உறவோர் நிறைந்திடுவர்!

கண்ணுக் கழகாய் அலங்காரம்
காணு மிடத்தில் தோரணங்கள்
வண்ணம் மிகுந்த மண்டபத்தில்
வாடா மலராய்ப் பூவையர்கள்
பெண்ணைப் பற்றிக் கனவுடனே
பித்தாய் அமர்ந்த மணமகனும்
பண்பின் இருப்பாய் மணமகளும்
பாரோர் வாழ்த்த இணைவாரே!

________________